Край наш Віцебскі.
На белорусском языке
Зямля бацькоў! Ты, Віцебшчына наша!
Палёў, лугоў зялёных дываны, -
Бары, лясы - іх вецер ціха лашчыць,
І ўецца стужка сіняя Дзвіны.
Мой родны край! Нядаўна толькі раны
Зарубцаваны на зямлі тваёй.
Калісьці тут салдаты, партызаны
За шчасце нашае хадзілі ў бой.
Цяпер жыццё ўсюды б’е крыніцай:
Гудкі заводаў чутны над Дзвіной.
Сінее лён, пшаніца каласіцца,
Нясуцца удалеч песні над зямлёй.
Сёння мы шчаслівыя бясконца -
Над намі ўецца кумачовы сцяг
І ордэн Леніна на ім, як сонца -
Ён асвятляе ў будучыню шлях.
Як я люблю цябе, май Айчына,
Люблю ў працы, у смелай барацьбе.
Наш народ ідзе да камунізма,
Да камунізма партыя вядзе.