Не паміраюць людзі – пераходзяць
У таямніцу вечнага жыцця.
Душа прытулак новы там знаходзіць,
Ірвуцца ніці шляхам забыцця.
Перад душою адчыняе дзверы
Ўладар Сусвету – вызначае лёс.
Дзе будзеш ты? Куды імкнуўся? Верыў
У Царства Бога ці ў краіну слёз?
Пакуль жывы – пытанне застаецца.
І таямніца колькасць тваіх год.
Знайдзі адказ, пакуль шчэ сэрца б’ецца.
Няхай свядомым будзе пераход.