Чалавечая мара -
Гэта сон, летуценне.
І няўлоўна бы хмара,
І надзеі здзяйсненне.
Гэта позірк дзіцяці,
І лагодныя вочы,
Ласка шчырая маці,
Ззянне зорак уночы.
Гэта хваля кахання
Ад вачэй і да сэрца,
Асалода спаткання -
І душа ўскалыхнецца.
Мара – гэта старонка
Надрукованых літар,
І адбітак пярсцёнка
На жыццёвай арбіце.
Мара – гэта натхненне,
Непарыўнае з дзеяй.
Майго лёсу імгненне,
Маіх крылаў надзея…