Рик1еллама, зи к1аниди,
Ви ч1арари гузавай нур.
Я шад тушир, я сефилни,
Вун тек туниз хьанай мажбур.
Куьруьбур тир зулун йифер,
Верхи тарцин к1аник хъенер,
Вацра гузвай вуч бул эквер -
Гуьзел тир хьи кьуд пад, иер.
Хтанай зи рик1ел гафар:
«Муьгуьбатдин фида вахтар
Масадакай жеда ваз яр
Мад гьич кьадач на зи дидар»
Килигайла гъерчин тарциз
Хабар хьанай мад байихриз..
Гьик1 вегьедай за назикдиз
Цуьквер бурма ч1арарилай.
Кузва зи рик1 туьхъуьн тийиз:
Масад к1ан яз сефилзава.
Вун са мили тир эсер хьиз
Текк вакай за фикирзава.
.