Хлусы
Надзеўшы з ранiцы трусы,
Хлусяць у двары хлусы.
Марыйка кажа: «У мяне
Ёсць прапелер на спiне.
Зараз я яго ўключу
I над вамi палячу.
Чулi гэта вы цi не,
Я бывала на луне.
На луне ёсць лунны крот
I у скафандры бегiмот.
А вы здаецеся з луны
Ну нiбыта кабаны."
«Я- вядомы Чарадзей,
Кажа дзетачкам Андрэй -
-Чары-бары-чарару!
Вас у мышэй пераўтвару.
Бегаць будзеце ў траве
I крычаць: бе-бе-бе-бе».
«У мяне чароўны гузiк,-
Кажа Пеця-карапузiк -
Я на гузiк нацiскаю,
Ем усё,што загадаю».
Кажа Кастусёк кiрпаты:
«Мая дзiўная лапата.
Лапатка гэтая з лапат,
Зараз адшукае клад.»
«У мяне ёсць конiк Кося,-
Кажа у панчохах Зося.
-Кось-кось-кось, мой мiлы Кося.
Сам сабе ён траўку косiць».
К: «Такiя у цябе панчохi,
Дапамагла б каню хоць трохi!!!»
Нахлусяцца за дзень хлусы,
Нават мокрыя трусы.
Нагамоняцца,сядзяць,
Языкi ужо баляць.
Хлусiць болей неахвота
I дадому йсцi лянота.
Верасень 2011г.