Гьуьжетдава кьуьд гатфарихъ:
-Къуват ама зи къаярихъ!
Ажугъ кума! Къвезвач ахвар!
Къурда живер,кьурда мурк1ар!
-Арадавай хатур гьуьрмет
Квадармир, кьуьд, мийир къелет,
Халкьар хьанва вакай икрагь,
К1амач аяз, зун я панагь.
К1ан я ваз къвез гьеле зулуз,
Зур гваз, гудач бегьер вахчуз,
Меслятдалди вахце нубат,
Чандал хкин за т1ебиат.
Гьахьнавайбур к1аз хьиз къенез,
Чимивилихъ хьанва муьгьтеж,
Вахт я цадай картуф келем,
Гуда вуна зарар бегьем.
Килиг садра, мягьле-мягьле-
Адет ама элдихъ хуьре-
К1анч1арикай кьакьан хара
Кьунва, ая жуваз чара.
Жуьреба-жуьр т1уьнри дадлу
Къумбарнавай кефи яшлу,
Жегьил-агьил эркек,диши
Калтугда вахъ, жемир пехъи.
Югъни-йифни сад хьай бере
Палдумар гваз жерге-жерге,
Гьараяр гуз «ахлад, ахлад»,
Кьада стха, кьуьд, ваз инад.
Бесрай, ксус жуван муьгьлет,
Ви зегьметдиз ганва къимет,
Мартни, апрель, май -зи варцар,
Яшамишрай Яран сувар!
Март 2012 йис