Пярсцёнак Саламона
Пярсцёнак Саламона на руцэ
Вяшчуе ў дзень шчаслівы: "Гэта пройдзе".
Жыцце падобна зменлівай рацэ.
Няшчасцю – той жа лёс: "І гэта пройдзе".
Купайся ў промнях сонечных, калі
На галаву яны з блакіту льюцца!
Пі, як нектар, свой міг, бо кавылі
Вось-вось прад буры подыхам сагнуцца!
Калі раўнуць грымоты над табой -
Глядзі спакойна ў вочы непагодзе,
Дазволь разгледзець ёй пярсцёнак свой.
Маланка высвяціць: "І гэта пройдзе"!
2007