Юлдашар, президентди къе
Аялрин хиве тунва ЕГЭ,
Диде –буба гьатна кIеве
Мектебрал алтIуш хьана хьи.
-Вахкуз жедач завай ЕГЭ
Тестар четинбур я диде-
Лугьуз шезвай зурзаз чене,
Баладин язух хьана хьи.
ГьикI вахкурай ада ЕГЭ,
КIел тавур 11-(йи)сан къене?
Тарсарикай катай келле,
Справкадин иес хьана хьи.
Лугьузвайвал гьеле-меле
Вири муаллимривай ЕГЭ
Кхьиз жезвач гьич са зерре
Чидайбур тек-бир хьана хьи.
ЖагъайтIани кхьидай кас ам,
Гьар кткайдан акакьдач тIем,
Бязибуру къимет тамам,
Виш агъзур лугьун хьана хьи.
Аялар, квез жемир кичIе,
Акьван четинди туш ЕГЭ,
Зегьмет чIугур касдин гъиле,
Сертификат вич хьана хьи.
Жуван кьилел вахце ЕГЭ,
Квез уьлкведин гьар са пипIе,
КIандай ВУЗ-да, кIандай пеше,
Къачуз мумкинвал хьана хьи.