Садбур гьатда папани гъуьлуьн арада,
Гьалдриз, фитнеяриз абру къал твада,
Итимдини хтана паб нагьахъ гатада ,
Гьа гьикl а язух паб кlвале цlраз къурада....
Гьар юкъуз гила жез абрун к1вале къал,
Папан рик1е а чlавуз гьатиз къати тlал,
Вилерай аватай туькьуьл накъварин стlал,
Кlватlзава язух тир папа вичин гъапал..
Югъ хьанач дишегьлидиз нагъв тагьай вилел,
Чарадаз къалур тийиз, хъвер жеда сивел,
Залум итимди цlай эцигзава рикlел,
Чидач мадни пака вуч къведатlа кьилел.
Чара кlвале къал твадайдазни акурай,
Вичин гъахъ гьисаб сад АЛЛАГЬди авурай,
Геж гьайитlани зи гъавурда акьурай,
Чарадан хзанда садрани къал тавурай...