Четин девир атанва чал,
Ракьун варар Самур вац1ал.
Эхиз тахьай зи халкьдин т1ал,
Т1алди къуна рекьида зун.
Акваз - такваз квахьзава ч1ал,
Чил, Бубайрин аманат чал,
Ялар гъана девирди зал,
Ч1агай мисел жегъида зун.
Акахьна къе, гьарам - гьалал,
Жуван чилел маса ч1алал,
Эхиз жедач акъатда къал.
Лап ягъана рекьида зун.
Касиб йикь я, варлудаз мал,
Ик1 хьайит1а пис жеда гьал,
Ша стхаяр агат санал,
Куьн тахьайт1а рекьида зун.©
18.11. 2013