Векьерин ц1иг. Залан маргъал
Ярхар жезва, къаткизава,
Акъатиз гьекь четин я гьал,
Ят1ани зун диризава.
Векьер к1вачел, чиле, к1унт1а,
Гьерекат ква. Ч1улав цифер,
Гъизва гару, аваз к1ула
Ац1ай парар,кутазвай звер.
Ваъ, алатна масанихъ марф,
Кьилин к1ук1 куз хкатна рагъ.
Юргъун ят1ан тухун кьве маргъв,
Самовардин курай гурмагъ.
Акъадриз ял хъвазва за чай,
Гьич мукьварив аквазвач сад,
-«Бичинчияр!»-эвердиз гьай
Авачирла гузвач хьи дад?
-Я баркаван, къацу яйлах,
Рамагарини суьруьйрин чан,
К1ват1ал тийиз жезвай акъах,
Гьинва лежбер туна ватан?
июнь2013