Я бахтавар ширин суна,
Катран вилер авай чина.
КIанда лана заз гаф гана,
Вун масадаз вучиз фена?!
Чанда гъамар туна на зи,
Дердери гил унва пехъи.
Фикир ийиз вакай югъди,
ЧIулав чIарар хьанва рехи.
Къизилгуьл хьиз рикIел ала заз,
ХьанвачтIани чун сад – садаз.
Экуь дуьнья мичIи хьайла,
КIелиз шезва кихьей кагъаз.
Хура авай рикI акъудна,
На зи гъилел эцигна яр…
Гьурбата зун, лугьуз ишез,
Ялгъуздаказ туна хьи яр…
Praga 14/07/2014