Хьанатlани аял чlавуз етим вун,
Гьич кьил агъуз тавур са я итим вун.
Гьам районда, хуьре хьайи аким вун,
Сад Аллагьди чандин сагъвал гурай ваз,
Чи уьмуьрдин даях буба Бейбала.
Бахтлу ирид гададин ва пуд рушан,
Буба я вун чаз виридаз тир масан.
Хуравай рикl я вун Исли-Халуман,
Дар вахтара каш тагана хвей хизан,
Чаз играми буба я вун Бейбала.
Вун акурай кlвачин кьилел зирек яз,
Гьич садрани такурай чаз фелек яз.
Хтулризни амукьна вун герек яз,
Чи виридан кьилел алай бермек яз,
Сад Аллагьди хуьрай вун чаз сагъ, буба.
Кlвалах тавур чка амач районда,
Директорни хьайиди я мектебда.
Гьар аялдиз чирвал ганвай дерин тир,
Гьич са югъни такуна ваз серин тир,
Уьмуьр фирай ви шад, буба ширин тир.
Аллагьди вун сагъ хуьн патал буба за,
Жедай гъвечlи са садакьа гуда за.
Шад мехъерар ви Камалдин хтулдин
Акуна ваз ва мад мехъер птулдин,
Чlехи буба яз акурай штулдин.
Гьамишанда акурай вун чаз сагъ яз,
Цавун туьхвен тийир экуь са рагъ яз.
Ильясоврин кьилел Шалбуз, Шагь дагъ яз,
Азиз буба, хвена вун Сад Аллагьди,
Зун Камалдин авурай шад, Аллагьди.
19.08.2014
21:00