Мад са йиса вегьезва чаз п1урнишар,
Йикъалай-къуз вилер-селлер перишан,
Ат1угъриз пел, тваз са жерге биришар,
Тек-бир къалаз чин ачухдиз гуьлуьшан.
Ипек партал, фурсар авур гатфарлай,
Кьил-мет гатаз бижгъер гарув вугузва,
Кьисас вахчуз кьец1илариз, тарарлай,
Ялар-путар кткиз хъилев ац1узва.
МасАнриз чим,къвез-къвез къуриз гьавани,
Яваш-яваш йикъан сятер вахчузва,
Гагь алахьай, гагь маргъузар цавани,
Куьч ничхиррин дестед мензил ат1узва.
Гьайифарик дак1вазва йис сефилдиз,
Яргъал варцар багъиш авур зегьметдиз,
Бегьер вуч я?Шадардат1а гевилдиз,
Лайих хьана "берекатлуд" къиметдиз.
Зулун бере.Йис къайгъуйрик дири я,
Уьзуьагъ яз вахкун нубат герек я,
Элкъведа ам шазандаз.Йис дили я,
Эхир нефес-кьуьд гьазуриз гьелек я.
Зул 2014