Рагъ гьамиша заз ви чинай хъуьрезва,
Зи хиялрал вун гьамиша элкъвезва,
Зак шадвилин гьисс кутур и жуьреда,
КIанивили лепе гузва дегьнеда,
Вун халисан къизилгуьл я, Саира.
Тай-туьшерин арада вун са цуьк я.
Зи бахчада вун билбилдин са нуькI я,
Гъетери ваз багъиш гана экуьвал,
Вуч багьа я ви ниятрин михьивал,
Хура авай рикI ятIа вун, Саира.
Эхир нефес куьтягь жедалд чилерал,
Хуьда за вун кьуна жуван гъилерал,
Къалурдач за ваз са югъни сериндиз,
Уьмуьр тухуз алахъин чун шириндиз,
Зи гьар легьзе вун патал я, Саира.