Гъуьрчез физва тфенгар ац1урна,
Аквазва ваз синел жейран къугъвазва.
Тфенг гъилел вегьезва на гьазурна
Гьайвандин хур на хашуник кутазва.
Са легьзеда тфенгдин ван акъатна,
Налугьуди, ада цавар къазунна.
Язух гьайван леш хьиз чилел аватна,
Къатаддай кьван чил ивидай асунна.
Килиг, инсан, гьикьван туькьуьл кар хьана,
Ам диде тир мумарани нек амай.
Бес балайрин рик1из гьикьван т1ар хьана!
Абурун вил а нек1едихъ галамай…