Зи хайи ватан, дагъларин уьлкве,
Агалкьунар вахъ хьанва лап еке.
Гьич са фикирни амачиз рик1е,
Чна валди къе дамах ийизва.
Припев:
Дагъустан гьуьрметлу
Чандилай азиз
Мадни хьун девлетлу
К1ан я чи рик1из.
Чибур я гуьзел
Дагълар, яйлахар.
Чибур я фири-
нек1ед булахар.
Вун са дамар я жендекдин зурба,
Вун я чи кьилел къайгъудар буба.
Чи зегьметди къе хуьр, шегьер, уба
Сад садахъ галаз уртах ийизва.
Алмасдилай вич пара тир хци,
Мягьтеларна варз ракетдин ванци.
Махар яз амач кацади, перци
Инсан галачиз к1валах ийизва.