Уьмар Хаям
ЮКЬУ-КЬУБ Ц1АР
Узу ктагъур, уву вартIан ккундузуз,
Уларин акв, кIван ялав вува узуз.
УьмуртIан а багьа вуйиб уьмриъ фу?
Багьа вузуз йиз уьмуртIанна уву.
***
Шули миди му жилиин яшамиш,
Фикир апIуз рюгьнакан йихь чалишмиш.
Тушваъ, нагагь ичIи хиларди гъахьиш,
Хьибдарвухьан фукIара апIуз дигиш.
***
Вари шагьриъ сабтIан, хъугъ, адаршра руб,
Думу абсди вартIан касибрин швякьнаъ.
РичIикьулар - магьа гьякьвал улупруб!
КучIал адар – вари аьмал а гъагънаъ.
***
Жамшид шагьди девран хъапIу гъалайиъ
Мукьар дапIна гъи сулари, чакълари.
Гъийихнушра фукьан жейранар хюрчаъ,
Бягьрамра алдакну, хъубкьган аьжал чан.
***
Ибшри! Ляхнар духьну увуз ккунибси,
Эйси вува жилин вари девлетнан.
Мяна адар! Думу гьисаб ву йифси,
Ярхла чюлиъ гъеебцIу сач хьадукра.
***
Йиз юкIв! Йипри ургубанна – ургубан
Аьмалдрари увуз: «Шараб ву хараб».
Эгер ккундуш марцц апIуз яв рюгь ва жан,
Йигъан хъебехъ шиърарихъ ва убхъ шараб.
***
Швнуб ражари гъапнийк1ан узу, яраб,
Затра сарун убхъидарза, ваъ, шараб?
Гъи дурубхъди, туба дариз, худакар,
Гъузуз шулин, дуфнайиган хьадукар?
***
«Гъягъюр ухьу». Хъа дюньяйиз фу вухъа!
«Дубгиди шил». Хъа дюньяйиз фу вухъа!
Адайхьа, хъа дюнья аййи ва хьибди!
Гъягъидихьа… Хъа дюньяйиз фу вухъа.
(ИлтIибкIур Аь. Къурбанов).