Зун пакамаз фад ахварай аватна,
Ви назик сес ван атайла я билбил
Залум хът/уьн вун къаярай акъатна,
Живедин лап пай, ат/айла я билбил.
Ви ширин сес къекъвезава дагълара,
На лугьуди ашукьдин саз рахазва.
Манидин ван гьатна гуьзел,багълара
Цуьквер гарал кьуьлер ийиз къугъвазва.
На шад хабар гъана чаз и гатфариз,.
Вун хтунал вил ала я билбил.
Ви иервал лугьуз, жеч хьи гафарал,
Манидални зи вил ала, я билбил.