Къизилдин зул алукьайла,
Тарарихъ къай галукьайла.
Пеш чилерал ацукьайла,
Заз мад ви ван жедач билбил.
Кьуьд алукьна, и залум фад,
Зур йисалай жеда чаз гад.
Мус хкведа вун хуьруьз мад
Шекердин сес галай билбил.
Куьтягь жеда Кьуьд, залум тир
Жеда хъуьт/уьн лап-лап эхир,
Вун фад хъша на геж мийир.
Ви ван хьурай заз мад билбил.
За лугьуда хвашкелди,
Лаь т/ун такур бине-ери.
Мани яна на лап дири,
Хьана заз мад ви ван билбил.