Къекъвезава зун Пушкинан бульварда,
Ч1ехи Шаир, ваз гуьмбетдин къаншарда.
Пагь, ви 'Зулуз" и зул гьикьван ухшарда!
Къугъвазва пеш Дондин къайи шагьварда.
Какахьнава тарар жинсер, рангарни,
3aр чук1уриз алукьайла нурарни,
Галтугна кьаз к1ан я мирги гъаларни,
Дуьздал жезва нуьк1вер ич1и мукарни.
Татьянаяр, Онегинар, Русланар,
Людмилаяр чкадинбур, мугьманар,
Сейрда ава вишералди инсанар
Вал ашукьбур! Алакьайди из к1анар!..
Ви къаматдиз килигиз зун гьейран я,
Уьмуьр куьруьд хьайи жегьил жаван яз,
Гений ШАИР! Бажарагъ гьик1 кьакьан я!
Руьгьдин ц1айдин ц1елхем зазни дарман я.
Эляч1из зун мад гуьмбетдал хквезва,
Вавди рахаз яваш камар вегьезва,
Югъ чин ч1уриз, гагь ачухриз хъуьрезва,
Ноябрь я. Заз цав шезни кич1езва...
Ноябрь2015