Кароткачасовая навальнiца
Кружыла хмара, пыл мяло,
Хістаў са злосцю вецер дрэвы.
Замоўклі птушкі, а сяло
Чакала дождж, грымотаў спевы.
І вось маланка да зямлі
Змяёй бліскучай паляцела,
А кроплі дожджыка сяклі
Зямлю мурзатую нясмела.
Крыху спазніўся, пальнуў гром-
Над лесам рэха кашлянула.
Ды вецер хмару гнаў дубцом:
І сонца радасна зірнула,
І цішыня між дрэў ураз
Павісла, нібы, чараўніца...
Вясёлку выгнуўшы для нас,
Далей пабегла навальніца.
чэрвень 2016г.