Гьиндис гьиндиъ адинай
Надир шах агъа ягьсуз.
Дахьурай учихъ дуг1а,
Инсанар акьуф бахсуз.
Пара девлет айф суман
Найи бявкьуф вас гьамич?
Алаттун Агул ватан!
Ягь-ламус хъуда хунбич.
Бала иште: тухум батин
Ат сара мур сикимди.
Сифат г1ярхьурай учин,
Тарг акьун халк бигемди.
Фи гьулар файн хюрарил
Уч агъай зурба игит.
Ми баябан чулларил,
Фас лих1уфтайгьан мигьит?
Касиб бял акьа халкар
Ахъун лататай кьакьар.
Фитинфи мурин къалат?
Ве девлет хьурай баят.
Далда хъуда халкьарис
Пара 1ьяйи ин зарар
Бя карва ми ирк1варис
Ярх1юрай чипис аззар.
Фи ухьттанф дайва Агул
Агубарай ирк1в ац1а
Лайшурай учин 1ъю ул
Заваринф ярх1уна ц1а.
Кьуватин адай 1ъимат
Лиштинфи Агъул миллат.
Гьел хьун зурбаяр пара
Ваттан акьун са баят.