БАХИЛВАЛ ва ЖАРА ГЬАЦИБ Ч1УРУБ
Милиган узухьинди ч1уруди…
Уву гъавриъ шуладарш – гьерх…
Увуз зиян ап1ураш – аьгь ап1ин…
Юк1 жарабра шлуб аьгъю йибхь!
Узу даккунди ап1ру яв тярифарт1ан
ккунди ап1ру яв люкьнар багьа вузуз…
Узу лайикь духьна к1ури к1урана дици,
даршиш гъанихвали уву ккаърайин, марцци кас?
Нач мап1ан, гъанихвал яв аьйиб дар.
Яв РАББИ увуз аьгъдрувалиан диди увуъ агъавал ап1ура.
Жвуванур жуванушваъ гъидритди айиган
диди яв к1вакан чаз дараматар дап1на.
Яв улар дидиз мутуван...
Тутрувиш фици думу узухьинди ч1уруди либгиди?!
Яв гъян дидин хилиъ мииван...
Идривиш фици диди яв гележег бат1ул ап1иди?!
Дидин аьмалдарвал лиг фициб шулуш:
Гафар ап1руган абйир к1ваин хурва…
Мушваъ дурарин гафарин мяна ву ккундайиб.
Ккудушу аьсрариъ гьамци гъабхьну к1урва…
Хъа ккундайиб гьядисйирин мяна ву аьгъю ап1уб.
Эгер уву йиз гъавриъ гъахьундарш,
гьамци гъапишкьан яв к1вак бисуйк1ан:
узу ап1ру яв тяриф мибисан вуди яв гьунар,
хъа яв хъуркьувализ вуйи кюмек гаф вуди ап1ин гьисаб.