***

Пужозь цецянь пусмо казсь тень кизэсь,
Зярдо ютась вакска коштонь керязь.
Эзь аште куватьс кедьсэнь те инжесь,
Апак учо оргодсь чаразь-велязь.

Срадсь сонзэ лембезэ кельме сувокс,
Конась вельти моданть валске марто.
Чипайнесь а мари прянзо чумокс,
Мекс монь эждемс лембезэ эзь сато.

Кедезэнь кадовсть ансяк ведьбайгеть,
Конатне монень сырнеде питнейть.
Сынь тень ёвксонь баягинекс гайгить,
Илязт пачтя эйсэнь зыянс китне.

Весе валдо мелем лиядсть кизэс,
Конась шлизе чамам салов ведьсэ.
Ансяк онстон молян тензэ инжекс,
Пужозь цеця пусмо нурьги кедьсэнь.