***

Прядовсть валтнэ; мекев сыргась шкась.
Уски эйсэнь стувтозь чис — удалов.
Меельце байгине верде прась,
Ды пельксэнзэ ацавсть пильгень алов.
Вармась оймась. Шержей сувось срадсь.
Кедть келемти кадозь кельме паксясь.
Эйстэнь ансяк чаво гайтть лиядсть.
Велькссэнь сравтовсь сэнь певтеме пацясь.
Монь икеле ды удало — кошт.
А чинезэ а тюсозо арась.
А неявикс, теке марто — покш,
Сон вановтсон эрьва ёндо каразь.
Эзинь фатя — Масторлангось чамсь,
Ломантнеде челькскеяк эзь лиядт,
Сэтьме вармась сёлмосонзо кандсь
Лия шка, ёжомарямо лия.
Паряк, эно, неян стака он?
Паряк, велявтсь прянзо лангс эрямось?
Певтеме паксясо ськамон мон,
А учови паро оянь самось.