Таргик морот, пелевень нармунь.
Коштонть вайгельсэть колык. Вант,
Кода сёлминеть сасыть варманть,
Ахолдамосост вельтить пандт.
Косо вайгелеть? Иля чатьмонть.
Каштмолемадонть чарыть превть.
Чоподасо ёрвалдса чачонть.
Начтан чама — ванськавтан мельть.
Морот эряви. Нармунь, косат?
Максык вайгелеть. Вийть арасть.
Вальмам панжадо. Соват. Озат.
Несак: тештине мельгат прась.
Зярдо маряса ёвксонь морот?
Морот, конатась максы вийть?
Седей, кирвазтик эно толот!
Ойме, каршонзо! Капшак, чийть!
Пек кувака венть полонозо…
Пилеть потомды сэтьмечись.
Вальмам лангс вень нармушкась озы.
Моры моро. Ды лиси чись.