"из мара..."
Из мара кхы ма балар-кх бала
сихлуш ва хьо, г1алг1а, ала
из мара кхы ма балар-кх бала
из хьахезача боала сох ала
Маьхий детташ, к1омал увзаш лела ма1анах
из мара кхы ма балар-кх бала
настар гуш, корт берзанбаьккха лела кхаланах
оал оаш, "из мара кхы ма балар-кх бала"
Д1адаьккха лаьтт,д1алаьца лоамаш
из мара кхы ма балар-кх бала
кхалап ца делча болх беш боаца хьакимаш
из мара кхы ма балар-кх бала...
Фуннаг1а хилча"из мара кхы ма балар-кх бала"
из-м шийна т1акхачалца мара хилац
т1аккха," сона т1абена боккха бала"
шийна т1акаьчача мара цо уйла е тигац
Ва "из мара кхы ма балар-кх бала"
кхы фу хила деза хьо сомваргволаш
хьо да укх мехкан зе-зулам,кертера бала
х1аьта хьо-м вац метт воаг1аргволаш...
(Тембенаькъан Мусай Мухьаммад,15 тушол 2017)