Гюзню гюню янгуру бар къыямат,
Къыш гиргенде сувукъ бола аламат.
Язбаш гелсе чечек ачагъан заман,
Яйда бизин исси бишире гьаман.
Язбаш яйгъан чечеклени атири,
Къуванчлы гюн шавла чача юрекге.
Бу дюньяда къатын - къызны хатирин,
Къалдырмагъа тюшмей энни эркекге.
Бизин учун яратылгъан чечеклер,
Савгъат болуп яшав ёлгъа байлангъан.
Сююв елеп бир болсун деп юреклер,
Гьар эркекге оьз чечеги сайлангъан.
Март ай етген, байрам гюн чечек ачгъан,
Кёкден гюнеш иржайып шавла яя.
Табиатда сыйлы ёравун чачгъан,
Аяз гече сизге юлдузлар яна.
Къутлап сизин сегизинчи Март булан,
Къатын - къызгъа сюемен мен ёрама,
Гьар чечекге сююв сююнчюн уртлап,
Насип гёрюп узакъ оьмюр яшама!!!