Асил сёзлер юрегимни ачалар,
Акъ кагъызгъа сюювюмню чачалар.
Сююв сёзлер багъышлайман алтынгъа,
Яшавума ёлдаш болгъан къатынгъа,
Ону аты юрегиме язылгъан,
Беш де гьарпы даимликге къазылгъан.
Юрегимни сыйлы ачгъычы алтын,
Насибимни шавла чырагъы къатын.
Алтын булан юрегим мени оьктем,
О болмаса насибим герти етим.
Насибимни дарманы йылы сёзю,
Юрегимни елеген къуймур гёзю.
Азиз аллагь бар тилевюм бу гезик,
Аявлумдан айырып этме языкъ.
Алтынымдан вёре мени айырма,
Азиз аллагь юрегимни къайгъырма.