Т1АЛАБАР
Лихури акв рабгъ к1ура Сари.
Дилихди ип1ин к1ура мурари.
Лихураза.
Гъилихуб туврадариз миди.
Гьит1ибк1 куч1лариинди –
к1ура вариди.
Гьит1ибк1за.
Акв рабгъура йиз му деври
меценат ву к1ури,
мист дивну вая дидиз тувну –
сарун му женнет агьли ву к1ури.
Гъуллугъра тувра узуз аллагьди…
Имамра ктаура узкан маллайи,
Намус ибшу бай сарсана гъахьну к1ури.
Лих к1ура Сари…
Хъа я Сар, лихураза…
Ул’ан идитназу…
Тутйирикк кказу…
Увуз гьацит1ан дап1надар дурари:
Аьрваларикк ккитунЗУ…
ГъурччвунЗУ…
Хачриин илит1унЗУ…
Дариз гъизигунЗУ…
Мицир лазим дарчуз к1ури.
Учуз ачуз ич аллагь
Учуз ккунибси ап1рур,
Дугъаз ккунду мист диврур
Ясана дидиз туврур…
Лихрудар ярхла ап1ри!
Дурарин кепккарихъ
Мист’ин улубччвуз
Кьяни вазкьан гъюрдар.
Учу мап1анай асккан
аллагьдин улихь
душваъ деънайи
ва учвуз лигурайи.
Дугъаз вари рябкъюра гьа!
фу вуяв туврайиб?
Адарин? Лих мистахъ
аллагь айи.
Фу вуз адруб?
Тувдивуз
аллагьди мистаъ айи.
Сабан уву дугъаз тув
яв тувубдиз гъилигуб тувдивуз,
аькьюлсуз.
Яни узу ккунду тувну даш-баш
йиз ляхнар ап1уз дюз гьадму йишвахь.
Узу ккунду гардандиъ ирчну хьуб фарз
фарз алишвахь улупуз вуш-дарш.
Йиз азадвал йибт1на хьуб зунжри
саб гьудубт1иш, тмунуб гъубзруси.
Йиз фагьмиъ чпин каламар уржри
узкан диллиг кадап1на ужзи,
чпи к1урубдиз ав к1урубси,
чпиз ип1руб узу дубхну тувруси.
Кефер ап1инай динар!
Диллиг либхиди – учвуз хибди.
Мут1и даруриз – гъирмаж!
Мут1и вуйириз – женнет!