Не заўважыў, як верасень хутка
Развітаўся са мной ля дарогі.
Ўжо на клёне чырвоная хустка
Рассыпаецца лісцем пад ногі.
Павуцінкі не ў вырай...кудысьці
Адляцелі -- і спяць агароды.
Плача восень -- і сыплецца лісце
Ў прыпол задрамаўшай прыроды.
Вецер мокрую хмару распора --
Дождж забомкае ў лужах, дзе пустка...
Як шкада, што на вогнішчы ўчора
Дагарэла чырвоная хустка.
30 верасня 2016г. вВВ.