Озен бою оськен оксюз бир тал тереги,
Нелер тек корьмеген шу заваллы юреги.
Кедернен эгилип, о, сувнен чокъ лаф эткен,
Арзулары исе тап урь семагъа еткен.
Достлукъ оларны бири-бирине багълады,
Лякин бир кунь озен ташты, ве тал агълады.
Ойле де тал тереги бакъып кок юзюне,
Янып, кедерленип айткъан озь-озюне:
«Бутюнлей къап-къара олды меним фелегим,
Къайда учып кетти менден азиз мелегим?
Не ичюн омрюмни сарды залым булутлар?
Не ичюн умютимни якъып кетти олар?»
Озен боюнда агълап къалгъан тал тереги,
Нелер тек корьмеген онынъ назик юреги.
Такъдир дарбелери де саф джаныны сыкъкъан,
Эпбир зайыф терекни тамырынен йыкъкъан.
Март 1, 2007 с.