(Зера Кенжикаева иджра эткен йыр)
Азбарымда оськен гуль, чечек
Эбедий эсимде къалды.
Балалыгъым, шу эски эвчик,
Йылларым озюне алды.
Сенинъ шу гузель козьлеринъ,
Козюм огюнден ич кетмей.
Сенинъ шу татлы сёзлеринъ
Аначыгъым, манъа етмей.
Багълама:
Дюньяда олгъан гузельден гузель сёзлерни
Санъа айтмасам, анам, кимге айтайым?
Кедерли олсам, ер тапалмасам, джоюлсам,
Санъа къайтмасам, анам, кимге къайтайым?
Кокте йылдызлар нурын сача
Юкъусыз геджелер кельгенде.
Къызыл гуллер чечегин ача
Юзюнъиз парылдап кульгенде.
Сенинъ шу ачыкъ юрегинъ
Эр заман менимле олур.
Сенинъ шу назик эллеринъ
Белядан къорчалап олур.
Багълама.
Даа бир сефер корьсе эдим
Тек сени, севимли анам.
Аман, мелегим, бильсе эдинъ,
Насыл сенсиз бу дюньяда
Асрет чекип янам.
Багълама.
Январь 5, 2007 с.