(«Танъ йылдызы» иджра эткен йыр)
Сен иле алемим нефесин ала,
Эр сание бахткъа, ярыкъкъа тола.
Айт севги акъкъында, шу азиз вакътында,
Аман алдатма тек…
Сени бир кунь расткельдим мен,
Гонълюм де ерини тапалмай.
Бир татлы белям одынъ сен,
Яш къаным юрегимде къайнай.
Зумрут киби козьлеринъде,
Шырын акъкъан сёзлеринъде
Севги яшай, севинч ашлай.
Багълама:
Дюнья четине сеннен къачмакъ разы олдым,
Озь гонълюмни санъа бермек разы олдым.
Севги къанат кергенде, ерге тюшмек бермез,
Омюр зульмет олса да, атешимиз сёнмез.
Айт, джаным, не ичюн козьлеринъ яна?
Насыл сырлар яшай, сакълана анда?
Айт, севги акъкъында, шу азиз вакътында,
Аман алдатма тек…
Сени бир кунь расткельдим мен,
Гонълюм де ерини тапалмай.
Бир татлы белям одынъ сен,
Яш къаным юрегимде къайнай.
Зумрут киби козьлеринъде,
Шырын акъкъан сёзлеринъде
Севги яшай, севинч ашлай.
Багълама.
Майыс, 2015 с.