(«Танъ йылдызы» ансамбли иджра эткен йыр)
Шу атешли козьлеринъде,
Эм де татлы сёзлеринъде
Дуям севги нурларыны.
Мен джоюлам ят ерлерде
Ве ялынъыз бир чёллерде,
Тек алып кет кедеримни
Узакъкъа,
кери ёлун тапалмайджакъ тарафларгъа,
Бир дакъкъа…
учсын олар сонъсуз, кийик олгъан сахраларгъа.
Багълама:
Кель, кель яныма. Кель, кель джаныма,
Кель меним ягъмурлы, сёнюк омрюме.
Кель, кель яныма. Кель, кель джаныма,
ве алып кель баарь меним юрегиме.
Бахт кетирген излеринде,
Незакетли эллеринде
Ирип кетем, унутылам.
Саф арзулар алеминде
Ве умютлер алевинде
Ойнайым мен, сарылам.
Янымда
олсанъ эгер меним назик гонълюм гуллер,
Ёлумда
чыракъ киби янса севгинъ, ренкли олур куньлер.
Багълама.
Ноябрь 29, 2016 с.