(Шевкет ве Алименинъ тоюна)
Бизде къуванч куню бугунь!
Бизде ашкъ байрамы!
Шевкет ве Алиме бугунь
Бир аиле олды!
Бизим татлы Алимемиз
Янъы ёлгъа чыкъты.
Бахт ельчигине кирсин деп,
Озь къапусын ачты.
Алимемиз мелек киби,
Мераметли, назик,
Гонълю ачыкъ, чечек киби
Ренкли ве самимий.
Онынъ узун кирпиклери
Тек Шевкетни дегиль
Бутюн корьген адамларны
Аман севиндире.
Беш йыл девам эткен достлукъ
Озь парчасын джойды,
Амма шу акъикъий достлукъ
Ляйыкъ ёлун тапты.
Бизде къуванч куню бугунь!
Бизде ашкъ байрамы!
Севги икяеси бугунь
Даа алев алды!
Джан-юректен тилеймиз биз
Ич сёнмесин, янсын.
Эр кунь сизинъ гонъюлинъиз
Осип чечек ачсынъ.
Бутюн арзу-истегинъиз
Ерлерине кельсинъ.
Ве масалгъа омюринъиз
Деръал чевирильсинъ!
Август 8, 2017 с.