Азабралди физва уьмуьр, кьеч1извай,
Гьикьван вуна кхьида и шиирар.
Рик1ин къене гелер туна, рекьизвай,
Жедайди туш ваз абрукай хийирар.
Цифер гьатна битав чуьлда ви къацу,
Марфадин сел акахьзава, къурмишиз.
Гьиниз квахьна а ви гуьрчек чин лацу,
Чирагъ хьтин, рахазвай зун саймишиз.
Шииратдин багълар хьанва а къене,
Биябан я дарих жезвай къен рик1ин.
Ирид дагъдин, дегьердин лап са к1ане,
Накъварикай вирер жеда "са вилин".