«Танъ йылдызы» ансамбли иджра эткен йыр
Меним догъгъан ерим,
Азиз догъгъан ерим
Догъгъан ерим, санки дженнет.
Алтын киби кениш чёллери,
Атешюрек, гъурурлы миллет,
Азатсевер онынъ еллери.
Бу ерде оськен джесюр батырлар,
Парлакъ келеджекке ишандыра.
Эм уйдурылгъан джанлы сатырлар,
Янъы тарихни яздыра.
Яна юрегим узакъларда олсам,
Корьмесем сени сагъынам (ай).
Ёкътыр дюньяда санъа кельген ада,
Догъгъан еримдай ай, ай…
Багълама:
Меним догъгъан ерим, меним догъгъан ерим -
кучь-къуветим (арзуларым) меним, меним Ватаным.
Сенсинъ – тюркюлерим, сенсинъ – бар истегим,
Къасеветим меним, меним Къырымым.
Догъгъан ерим санки дженнет
Не дюльбердир багъ-багъчалары.
Инджиси де – сабырлы миллет,
Къара денъиз, ешиль дагълары.
Бу ерде чечек ачкъан гуллери,
Назик гонъюльге къуванч багъышлай,
Инсаннынъ бутюн хош ниетлери
Ерине келип, алгъышлай.
Багълама.
Март 13, 2017 с.