УЬРУ "ГЬИБАР"
Урхьаригъ деерццна к1ажар…
Миццуругъ илбижна кьюб жар…
Гьадагъай узхьан ичв машар…
Аязра узуз вузуз хьадукар.
Кьюрдун ригъ гюнейиъ гимихъ
Хьадан йигът1ан шулу маниб.
Яв машнаъ айи нур йиз мухрихъ
Руч1 алди хъа, ап1ури чаз ккуниб.
Деерццнайи к1ажар урхьаригъ
Яв машси вузуз руч1 али нур айи.
Йиз гюне мухрихъ кьюрдун ригъ
Ичв машариз кьабул дубхьну адайи.
Аяз деебтурашул диди хьаднуси
Хьадукар вуза к1урайи уву чурхуз гъитри.
Гьадагъай ичв машар узхьан варждихьанси
Кьюб раж илбижнайи миццуругъ т1убк1уз гъитрайи.
Махьан пашман йиз гафарикан, ккуни инсан.
Дурар гъеерццу к1ажаригъ гъяйи урхьар ву.
Кьут1кьлидар, вят1 дап1ну ушвниан гат1ахьрудар,
Вушра кьюрдар-хьадариин юруш алап1рудар.
Уччвудар вуйиз ккерхнайи урхьар
Аязнан гюзгю зиълан дизигнайи.
Уч1врудар вуйиз мелзналан алдахьурайи гафар
Зиян кайидар – сагъ, ктрудар иццру ап1урайи.