Эр шаирнинъ къалеминде
Сёзлер фикирлерни охшай.
Онынъ ички алеминде
Тюрлю сейярелер яшай.
Гузелликни корьмек ичюн
Гузелликнен бакъмакъ керек.
Урь семагъа учмакъ ичюн
Къанат дегиль, ишанч керек.
Эр сынъырны истек кече,
Эр кёр ёлджу эвин тапа,
Гонъюль сербестликни сече,
Ве эпбир истегин япа.
Макъсадкярлыкъ эвлер къура,
Тек тенбеллик - дивар чеке,
Оны бербат этип тура
Шу амансыз бир телюке.
Парлакъ гъалебелер ичюн
Исрарнен ираде керек.
Гузелликни дуймакъ ичюн
Онъа юрек ачмакъ керек!
Март 11, 2018 с.