Гатфар хьана,беневшаяр акъатна,
На дегишвал кьатlанач хьи,азиз яр.
Къакъатнавай кlанибурни ахгатна-
Вун зи патав хтанач хьи, азиз яр.
Дуьзен-чуьлда цуьк ахъайдай бере я,
Алван-алван куз я синер,дереяр,
Рикl шаддай шеъ пад-къерехда пара я-
Зи сугъулвал атlанач хьи,азиз яр.
"Куьруь жеда яман къар",-луз гьенай заз,
Гьа умуддал жуван сабур хвенай за,
Цайид цуьк яз,кубут цацар гена за-
Ваз зи язух атанач хьи,азиз яр.
Лугьумир хьи,агьузариз ава зун,
Гьакъикъатар течиз,жез я цава зун...
Дегиш жеда,амукъдач са гьава зун-
На лугьуда:"Мад хьанач хьи,азиз яр".
Вичи гайи гаф Намика хвейид я,
Мугьуббатдал,икьрардал ам кlевид я,
Лугьуз тахьуй и савда са цlийид я-
Ам гьич адкай гатlанач хьи,азиз яр.
05.03.18 г.