Istorizan I palegi,
Anastoroun i neii...
Tha lego`sas enan soston,
Alithinon orthian...
Inas gineka kathouson
Si Drama`s ta horia...
Erthen ate a sa makra,
A si Rizounta`s merya...
Ar e`zinen pal`eftoha, n`aiili tin prosfigian...
Chehelena e`sherepsen, ton antrana`ts e`hasen...
Aton o tourkon e`spaksen s`antalagis ta hronya...
Kaiimos manahOs k`erhete... nto ishen ta pedia`ts
Aggelo`agouropeda, e`devan a sa sherya`ts...
Pou in ta arhantopoula`ts kanis hapar ke deken...
Achap` e`pemnan zontana ta dio ta rizopa`ts?
Ep`e`zinen ta vasana, ishen ke thagateran
Pan`emorfon to prosopon, mizeter`splahnikesan...
Entaman me tin korina`ts e`sirnan stivarias,
Ti koritsi e`soumosen n`antriz i ilikia`ts...
Apan s`ato apofasen
Na paii`evrik t`ospitna`ts,
Ta foulerias nt`ekripsen
O antrasa`ts so fournon...
A`ets pa i kaiimenisa
Elpidepsen tin stratan,
Imeran ilio`ilouston
Epiken tin evshina`ts,
Me to vathin to nounizman
Ekseven a sin Draman...
Polla makrin to dromona`ts, aman ate k`egriksen
Pos sin Rizountan e`ftasen e`stathen embr`s`ospitna`ts...
E`htipesen s`eksoporton tharis ke misyafirtsa...
Embrya`ts evrethen emorfesa ginekesa tourkala,
Ontes ate egriksena pios i misyafirtsa
So mian apes e`kouksen tou`spit` tin ikokiran...
E`taizen ke potizen, nto prep filoksenias,
Ke ipen aten na permen ton antrana`ts na erte...
Aton e`htethan stratigon so tourkikon to kraton...
Polla keron ke perasen, prin to kintin tin oran
Enien to eksoporton ke`apes s`ospit e`seven
Atos o tourkostratigos, o antras ti tourkalas...
Ke ipen aten:Oson thelts na steks ada gineka.
Esen kalos`orisome, tha ftame ta hatirya`s,
T`ospitne`sou teseteron panta teson evrik`sa,
Na les`me nto anangin eiis, an sozo voitho`se...
Ate sitya egriksena nto esh kalon kardian,
E`skalosen ta halya`tis, ekin ta diskolias
Nto engan`aten adakes, son topon pou genethen,
E`rotesen ya`ti goneii`s, ya`ta pedia`ts thaman
Eraepsen na ekougen kanenan haparopon...
Gomothen a sa dyakropa ti stratigou i goula:
To enan to pedopo`sou myarya`m e`thanatothen,
Den ya`ton alon k`eks`ato..empori`m zontanos en...
E`laksane tin kalachin:
Kintan apes so peshkon
Enan soron malamata
Eki`apes sa koutia...
Eksevane eks sin avlin
Ke evrane ekina...
To mertikona`ts dyakrosen
Ate a sin harana`ts...
Kalon en i anapapsi kyalo kalon i strata
Pou per ke paii emen eki pou en i thagatera`m...
Esi ata ksaii mi nounii`s, a`pero`se ke pago,
Devazo`se sa sinora na mi pathans kakoni...
E`gnefsan` aten to proi enan Theou imeran,
E`timasan tin arapan na pern`aten ke pane,
Apan sin arapan s`ato e`kisane gomarya
Ta deka ta oloklira apan`afka demeana...
To ahpaston na leii`aten: Ata in ya`t`esena,
Tin thagatera`s na eftas kaliteron tin prikan,
To hreon nt`eho ya`t`esen nto zo apes s`ospiti`s
Kamian ki pleronete ki logariaz kanenas...
A`ets me kaposon keron e`klosten ksan sin Draman...
Thamagete ologera`ts olen i gitonia...
Ki pistevan nto elegen, e`lisan ta gomarya...
As`enan erouksen afka to kantron to krifmenon...
Apan so kantron fenousan o tourkon ke`i`gineka`t...
Na.. ap`opis ta gramata gramena ya`t`atena:
Manitsa`m akrivesa`mou ego pouthen ki hatha,
E`pemna olon me tin pshin s`ospitne`mou e`klosta,
Apes so ipno`m elepa so oroma`m t`omatya`s,
So maksilari`m eklega temon tin orfanian...
K`eporesa n`anigoumne.. s`ato na sihoras`me..
Atora doksa` ton Theon evretha`m entamotha`m..
Stilon ta sheretiasi`m sin adelfi`m engalyas..
Oson na zo s`avout`sin gin panta tha voitho`sas,
Apes so noum tha eho`sas apes ke sin kardia`m...
Na san pou evren ti goneii`s,
N`aiili aton p`ehasen...