Хlара,хlара гlулакхче
Йиза гlерт ший че
Цу чу йолар яц цунна бе
Кхы хlама-м дац цига де
Кхачийта шийна лакхагlа секам
Беза цунна дикагlа экам
Сихагlа, дикагlа лехкаш говраш
Эшаш ба болх бе ца ховраш
Хила беза уж бlармеца
Нана йохка кийча, хилча меца
Укхаз воагlар каракхаьче доал
Саг ца хулаш венна дlавоал
Аргlа еча моттиг хувца,
Цар шоай кlий чlоагlагlа лувца
Раьза боацаш кертерачунга
Хьежа мара, ле йиш яц цунга
"Хьо укх метте ваьжа ваьннав
Хьона кхыйола моттиг йоагlа!"
"Хьо тхона эшар даь ваьннав
Хьона набахте кхача доагlа!"
lа фу ях? Юха алал, мишта?
Тхона духьал хьога тешалаш?
Хьалхе аргдар-кх,ванагl, иштта
Хьо мо бараш - тхона эшараш!
"Дlале цунна лакхагlа моттиг,
Хlаьта тlахьожамах ма ваккха
Де деза цунна дуне готтиг
Ший леладечох дехке ваккха."
Мотт, шоашта хургбац бекхам
Аллахlага бой цхьане текъам
Айбеннача тайпара легаргба
Мискача наха пхьа лехаргба.
(Тембенаькъан Мусай Мухьаммад.5.Бекарг 2018)