Есирдавай руьгьдиз чилел
Гьазурнава халис женнет.
Ивидини кайи рик1ел
Ч1угвазава ярдин суьрет.
Хважамжамни жезва зайиф,
Муьгьуьббатдин ялав акваз.
Ашкъидин ц1ай туьхуьз гьайиф,
Жегьилвал , вун катмир, акъваз.
Чан-рик1 авур махпур гъилер,
Ахварайни квехъ я ц1игел.
Йифен цавуз ухшар вилер,
Ширин бендер гъваш зи мецел.
Пехилвиляй варзни гъетер
Чуьнуьх жезва яргъи йифиз.
К1анивилин кьведан гьиссер
Алахъда рехъ экуь ийиз.