***

Югъ фена, рагъ ак1ана,цlуькl хьана зегьем, зи гуьзел,
Зи рикlин ц1ай туьхуьниз туш има мелгьем,зи гуьзел.

Гила яргъаз я закай,гьикl хьана бес а чи гафар,
"Чун къакъатдач,-лугьудай,-чун жеда ч1ар-ч1ем",-зи гуьзел.

Яб гана фитнечидиз,вун тlа ягъалмиш хьана жал,
Гъвар ийиз,багьна кьуна,са куьлуь гьешем, зи гуьзел.

Икьван фад ашкъи куьтягь жед лугьунихъ зун агъадач,
За умуддалди вилив хуьзва мехъер - дем, зи гуьзел.

И экуь дуьньяда заз легьзе тахьуй вун галачир,
Хьайит1а лап гуьлуьшан багъни-я жегьнем, зи гуьзел.

К1анибурун араяр къурда пехил тир ксари,
Чун вафалу хьайит1а,чав акакьич т1ем, зи гуьзел.


Ша рик1ел хуьн чна женнетда хьайи ихтилатар,
Иблис а,алцур авур Гьавани Гьетем, зи гуьзел.

Намиказ яб це вуна,гадра къванер,квай ценерик,
Хьуй адан хуш мурадар кьил кьуна бегьем, зи гуьзел.