***

*   *   *   * 
  (кьат1ун)

Шумуд югъ я, ч1еред кьац1ук,
Муг ийиз к1анз кардик ква лиф.
Сам-ц1ам, векь-кьал кутаз пацук,
К1валахзава к1уфув зериф.

Кирежди  цал  хвенва лац1уз.
Кьац1ун рувал къваззава лиф.
Цал т1екьерик  жезва кьац1уз.
Иесидиз  къвезва гьайиф.

Гьазур я муг... Ава денбел,
Гьар легьзеда сив я ахъа.
Диде лифре, тежез энгел,
Ем гъиз гузва, ц1удра, йикъа.
 
Денбеларни хьана ч1ехи.
Ич1и  я  муг -  акьадарна.
Иесидиз  хьанва хвеши.
Цлал  киреж  алтадарна...

Чизвачирт1а, гьелбетда, нел               
Ийизва  ихтибар, умуд.
Уьмуьрни  туширт1а эфзел,               
Ислягьдак1аз  ийичир  муг.


2016  й.