Мусибатди авудна зун ахварай,
Т1урфандин гар пехъи хьанва куьчеда,
Руквадин гул гьалч1на йифен дагъларал,
Къавахдин таз алк1изва къвез шуьшедал.
Гьа са ванци кьунва дуьнья, кич1 кутаз,
Илих хьанва чил, пенжеррин хъалхъамар:
Гагь вагьшиди хутахзава гъуьрч муказ,
Гагь мизандин к1вачин сесни далдамар.
Самолетдин ванни ава, заландиз
Бугъаз беден галч1урзавай аршда лап
(Зи дидеди, жаваб яз и "саламдиз",
Дак1ар мич1дай, ранг ат1ана, жез татаб).
Гьуьлуьн звални гьиссзава за, луьтквейрин
Туькьуьмзавай са-сад лацу жендекар...
Агь, куьк1венач са пенжердин экверни,
Рик1ел алаз къе гьуьлеллай эркекар!