Вокьиларо вихьизе,
Рихьдай хьулал рикьулев.
Вокьиларо рагlизе,
Рагlулъ гьуинлъи гьечlев.
Вокьиларо дандчlвазе,
Данде квер бегьуларев.
Вокьиларо вачlине,
Чlегlерлъи рекlелъ бугев.
Вокьиларо гьимизе,
Гьороца рахlму арав.
Вокьиларо ватизе,
Тамашаго кьер ссунев.
Вокьиларо кьаллъизе,
Кьалде тухумал гъолев.
Вокьила салам кьезе,
Кьуру гlадаб яхl бугев!
Вокьила хlал бикьизе,
Кьураб рагlи батулев!