(«Танъ йылдызы» иджра эткен йыр)
Бу дюнья сен ве мен ичюн айлана,
атешли севги яна.
Чокъ заман мен ич кимсеге гонъюлимни ачмадым,
Алданмадым, инанмадым, юрегимни сакъладым,
Хоу уоу уоу
Амма сени корьгенимнен ярыкъкъа бирден толдым,
Зейтун киби козьлерине эбедиен ашкъ олдым.
Хоу уоу уоу
Багълама:
Омрюмизни яраштыра,
куньлеримни джанландыра,
Бу севги атешдей яна
дюнья айлана, юрек къувана.
Эгри-догъру ёлларымда къуванч чечегин ачты,
Кедерлерим, яныкъларым, дертлерим бирден къачты,
Хоу уоу уоу
Сен — меним энъ унутылмаз йырларымдан бириси,
Эм де кунешли бир кунюм, аятымнынъ манасы.
Хоу уоу уоу
Багълама.
Август 27, 2018 с.